Þá eru kosningarnar afstaðnar og eins og alltaf sýnist sitt hverjum um úrslit þeirra og ekki skulu þau gjörð að miklu umtalsefni hér. Miklar voru sveiflurnar og margt nýtt fólk kemur nú inn í sali Alþingis og skal þeim árnað allrar farsældar til starfa í þágu lands og lýðs sem og þeim er nú halda áfram. Eins og alltaf höfum við bindindismenn hugann við áfengismálin og framvindu þeirra. Þar er sótt á sem áður af gróðaöflum sem hvorki skeyta um skömm né heiður og víða er læðst að með lævísum áróðri í krafti fjármagnsins. Þá reynir á staðfestu þingmanna og vilja þeirra til að halda aftur af þeim öflum sem þar svífast einskis og huga aldrei að hinum skelfilegu afleiðingum sem við sjáum daglega hryggi-leg dæmi um í samfélaginu. Þó mér sé málið nokkuð skylt hlýt ég þó að vekja athygli á því, að það stjórnmálaafl á Alþingi sem harðast hefur gengið fram gegn þessum gróða-öflum og óneitanlega verið bezt á verði fyrir ásókninni galt mikið afhroð í kosningunum. Hvort það hefur einhverja merk-ingu varðandi málaflokkinn skal ósagt látið en hið bezta vonað.